മുംബൈ: ഓഹരി വിപണിയില്‍ ഇടിവ്‌ തുടരുന്നു. സെന്‍സെക്‌സ്‌ ഇന്ന്‌ 335 പോയിന്റാണ്‌ ഇടിഞ്ഞത്‌. ഇന്നലെയും ഇന്നുമായി 757 പോയിന്റിന്റെ നഷ്‌ടമാണ്‌ സെന്‍സെക്‌സിലുണ്ടായത്‌.
രാവിലെ 38,413.81 പോയിന്റ്‌ വരെ വ്യാപാരത്തിനിടെ ഉയര്‍ന്ന സെന്‍സെക്‌സ്‌ സമ്മര്‍ദ നിലവാരത്തില്‍ പിടിച്ചുനില്‍ക്കാനാകാതെ ഇടിവ്‌ നേരിടുകയായിരുന്നു. 37,736 പോയിന്റിലാണ്‌ ക്ലോസ്‌ ചെയ്‌തത്‌.
110 പോയിന്റ്‌ ഇടിഞ്ഞ നിഫ്‌റ്റി 11,102ലാണ്‌ വ്യാപാരം അവസാനിപ്പിച്ചത്‌. 11,299.95 പോയിന്റ്‌ വരെ വ്യാപാരത്തിനിടെ നിഫ്‌റ്റി ഉയര്‍ന്നിരുന്നു. അവിടെ നിന്നും 200 പോയിന്റോളമാണ്‌ പിന്നീട്‌ ഇടിഞ്ഞത്‌. 11,300ല്‍ നിഫ്‌റ്റിക്ക്‌ ശക്തമായ സമ്മര്‍ദമാണുള്ളത്‌. ഇത്‌ ഭേദിക്കാനാകാതെ ലാഭമെടുപ്പ്‌ ദൃശ്യമാവുകയായിരുന്നു വിപണിയില്‍.
ഡോ.റെഡ്‌ഢീസ്‌, സണ്‍ ഫാര്‍മ, വിപ്രോ, വേദാന്ത, മാരുതി സുസുകി എന്നിവയാണ്‌ ഏറ്റവും ലാഭം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍. ഡോ.റെഡ്‌ഢീസ്‌ 4.60 ശതമാനം നേട്ടമുണ്ടാക്കി. ഈ ഓഹരി 52 ആഴ്‌ചത്തെ ഉയര്‍ന്ന വിലയില്‍ പുതിയ റെക്കോഡ്‌ രേഖപ്പെടുത്തുകയും ചെയ്തു.
ഫാര്‍മ ഓഹരികളാണ്‌ ഇന്നും വിപണിയെ വലിയ തകര്‍ച്ച ഒഴിവാക്കാന്‍ സഹായിച്ചത്‌. ദിവിസ്‌ ലാബ്‌ 5.67 ശതമാനവും സണ്‍ ഫാര്‍മ 3.37 ശതമാനവും ഉയര്‍ന്നു. നിഫ്‌റ്റി ഫാര്‍മ സൂചിക ഇന്ന്‌ 3.11 ശതമാനം നേട്ടമുണ്ടാക്കി.
ഐടി ഓഹരികളും ഇന്ന്‌ നേട്ടമുണ്ടാക്കി. ഐടി ഓഹരികളായ ഇന്‍ഫോസിസ്‌, വിപ്രോ, ഫാര്‍മ ഓഹരികളായ സണ്‍ ഫാര്‍മ. സിപ്ല എന്നിവ 52 ആഴ്‌ചത്തെ ഉയര്‍ന്ന വില രേഖപ്പെടുത്തി.
ബിപിസിഎല്‍, ഇന്‍ഡസ്‌ഇന്‍ഡ്‌ ബാങ്ക്‌, ഐഒസി, എച്ച്‌ഡിഎഫ്‌സി, ആക്‌സിസ്‌ ബാങ്ക്‌ എന്നിവയാണ്‌ നിഫ്‌റ്റിയിലെ ഏറ്റവും നഷ്‌ടം നേരിട്ട 5 ഓഹരികള്‍. ബിപിസിഎല്‍ 8 ശതമാനം നഷ്‌ടമാണ്‌ ഇന്ന്‌ നേരിട്ടത്‌. ഐഒസി നാല്‌ ശതമാനം ഇടിഞ്ഞു.
ബാങ്ക്‌ ഓഹരികള്‍ ഇന്ന്‌ നഷ്‌ടം നേരിട്ടു. നിഫ്‌റ്റി ബാങ്ക്‌ സൂചിക രണ്ട്‌ ശതമാനം ഇടിഞ്ഞു. ഇന്‍ഡസ്‌ഇന്‍ഡ്‌ ബാങ്ക്‌ അഞ്ച ശതമാനം ഇടിവാണ്‌ നേരിട്ടത്‌.
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എൽ കമ്പനി യുടെ തുടക്കവും വളർച്ചയും…
മസ്കറ്റ് : ഇന്ത്യയിൽ ഇലക്ട്രോണിക്ക് വ്യവസായത്തിന്റെ മുഖ്യ ശിൽപ്പികളിൽ പ്രമുഖരായ ബി പി എ ൽ കമ്പനി യുടെ തുടക്കവും…
മസ്കറ്റ്: We Help Blood Donor’s Oman ന്റെ നേതൃത്വത്തിൽ, ബ്ലഡ് ഡോണേഴ്സ് കേരളയുടെ സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ…
മസ്‌ക്കറ്റ്: ഒമാനിലെ റൂവി മലയാളി അസോസിയേഷന്റെ ഭാഗമായി പ്രവർത്തിക്കുന്ന വനിതാ വിങിന്റെ നേതൃത്വത്തിൽ അനന്തപുരി ഹോട്ടലിൽ പ്രത്യേക യോഗം നടത്തി.…
മസ്‌ക്കത്ത്: ഇന്ത്യയുടെ 78-ാമത് സ്വാതന്ത്ര്യ ദിനത്തോടനുബന്ധിച്ച് റൂവി മലയാളി അസോസിയേഷനും ദാർസൈറ്റ് ലൈഫ് ലൈൻ ഹോസ്പിറ്റലും സംയുക്തമായി ആരോഗ്യ അവബോധ…
തൃപ്പൂണിത്തുറ: പാറക്കടത്തു കോയിക്കൽ ട്രസ്റ്റ് നടത്തുന്ന 12ാമത് "തൃപ്പൂണിത്തുറ ആസ്ഥാന വിദ്വാൻ പുരസ്‌കാരങ്ങൾ" പ്രഖ്യാപിച്ചു. വായ്‌പ്പാട്ട് വിഭാഗത്തിൽ പ്രൊഫ. തുളസി…
This website uses cookies.