ഒഐസിസി കുവൈത്ത്: രണ്ടാംഘട്ട അംഗത്വ വിതരണം ആരംഭിച്ചു.

കുവൈത്ത് : ഒഐസിസി കുവൈത്ത് നാഷനൽ കമ്മിറ്റിയുടെ രണ്ടാംഘട്ട അംഗത്വ വിതരണ ഉദ്ഘാടനം നാഷനൽ കമ്മിറ്റി പ്രസിഡന്റ് വർഗീസ് പുതുക്കുളങ്ങര വിനീത് വിൻസന്റ്‌ കണ്ണന്തറക്ക് നൽകി നിർവഹിച്ചു. ഒഐസിസി കുവൈത്ത് കോട്ടയം ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ച മെമ്പർഷിപ്പ് ക്യാംപെയ്നിൽ നിരവധി കോൺഗ്രസ് അനുഭാവികൾ അംഗത്വം സ്വീകരിച്ചു.കോട്ടയം ജില്ലാ പ്രസിഡന്റ് ബത്താർ വൈക്കം അധ്യക്ഷനായ യോഗത്തിൽ ജനറൽ സെക്രട്ടറി ജിജോ സ്വാഗതം പറഞ്ഞു. ട്രഷറർ വിശാൽ പൂത്തറ നന്ദി അറിയിച്ചു. ദേശീയ ഭാരവാഹികളായ ബി.എസ്. പിള്ള, ജോയ് കരവാളൂർ, ജില്ലാ നേതാക്കളായ അരുൺ രവി, ജോവിസ് മണിയാങ്കേരിൽ, സുരേന്ദ്രൻ മുങ്ങത്ത്, അക്ബർ വയനാട്, ലിബിൻ മുഴക്കുന്ന്, ഇസ്മായിൽ മലപ്പുറം, ഷൗക്കത്ത് കോഴിക്കോട്, റെജി ഒളശ്ശ, ഷിബു താവളത്തിൽ, സന്തോഷ് എരുമേലി, ഷിബു തലക്കൽ, ബിജി മുക്കൂട്ടുതറ എന്നിവർ ആശംസകൾ അർപ്പിച്ച് സംസാരിച്ചു