വ്യാഴാഴ്ച അര്ദ്ധരാത്രിയോടടുത്ത് ബൈക്കിലെത്തിയ അജ്ഞാതന് സ്ഫോടക വസ്തു വലിച്ചെറിയുകയായിരുന്നു
തിരുവനന്തപുരം : സിപിഎം ആസ്ഥാന മന്ദിരമായ എകെജി സെന്ററിനു നേരെ ബൈക്കിലെത്തിയ അജ്ഞാതന് സ്ഫോടക വസ്തു എറിഞ്ഞു.
വ്യാഴാഴ്ച രാത്രി 11.25 നാണ് സംഭവം നടന്നത്. ബൈക്കിലെത്തിയ ആള് മതിലിനുള്ളിലേക്ക് സ്ഫോടക വസ്തു വലിച്ചെറിയുകയായിരുന്നു. ഇയാളുടെ ദൃശ്യങ്ങള് സിസിടിവിയില് പതിഞ്ഞിട്ടുണ്ട്.
തിരുവനന്തുപരം കുന്നുകുഴി ഭാഗത്തു നിന്നു ബൈക്കിലെത്തിയയാളാണ് സ്ഫോടക വസ്തു വലിച്ചെറിഞ്ഞത്. സംഭവം നടക്കുമ്പോള് ഇ പി ജയരാജന്, പി കെ ശ്രീമതി എന്നിവരുള്പ്പടെയുള്ള നേതാക്കള് ഓഫീസിലുണ്ടായിരുന്നു.
ഉഗ്രശബ്ദം കേട്ടുവെന്ന് ഓഫീസിലുണ്ടായിരുന്നവര് പറഞ്ഞു. പോലീസ് അന്വേഷണം ആരംഭിച്ചിട്ടുണ്ട്. എകെജി സെന്ററിന്റെ പിന്ഭാഗത്തെ റോഡില് നിന്നാണ് സ്ഫോടക വസ്തു വലിച്ചെറിഞ്ഞത്. സ്ഫോടനത്തില് മതിലിന്റെ ചില ഭാഗങ്ങള്ക്ക് കേടുപറ്റി.
ബൈക്കിലെത്തിയയാള് വാഹനം വളച്ചു നിര്ത്തിയശേഷം പൊടുന്നനെ സ്ഫോടക വസ്തു വലിച്ചെറിയുന്നത് ദൃശ്യങ്ങളിലുണ്ട്. എറിഞ്ഞ ശേഷം കുന്നുകുഴി ഭാഗത്തേക്ക് തന്നെ തിരിച്ചു പോയി.
പോലീസ് ഈ പ്രദേശങ്ങളിലെ സിസിടിവി ദൃശ്യങ്ങള് പരിശോധിച്ച് വരികയാണ്.
സ്ഫോടനമുണ്ടായ വിവരം അറിഞ്ഞ് നേതാക്കളായ എ വിജയരാഘവന് ,ആനാവൂര് നാഗപ്പന് എന്നിവര് സ്ഥലത്തെത്തി. മന്ത്രിമാരായ കെ എന് ബാലഗോപാല്, വി ശിവന്കുട്ടി, വീണാ ജോര്ജ് എന്നിവരും എകെ ജി സെന്ററിലെത്തി. സിറ്റിപോലീസ് കമ്മീഷണര് സ്പര്ജന് കുമാറിന്റെ നേതൃത്വത്തിലുള്ള സംഘമാണ് പ്രതിക്കായി തിരച്ചില് നടത്തുന്നത്.
സംഭവത്തെ തുടര്ന്ന് പരിസരത്ത് എത്തിയ ഡിവൈഎഫ്ഐ പ്രവര്ത്തകര് നഗരത്തില് പ്രതിഷേധ പ്രകടനം നടത്തി.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.