എഐ ക്യാമറ പദ്ധതി വിശദമായി പരിശോധിക്കണം; അതുവരെ കരാറുകാര്‍ക്ക് പണം നല്‍കരുത് : ഹൈക്കോടതി

പ്രതിപക്ഷ നേതാവ് വി ഡി സതീശനും രമേശ് ചെന്നിത്തലയും സമര്‍പ്പിച്ച ഹര്‍ജിയിലാ ണ് ഹൈക്കോടതിയുടെ ഇടക്കാല ഉത്തരവ്.കോടതിയില്‍ നിന്നും മറ്റൊരു ഉത്തരവ് ഉ ണ്ടാകുന്നത് വരെ ഇടക്കാല ഉത്തരവ് ബാധകമായിരിക്കും. എഐ ക്യാമറ സ്ഥാപിക്കുന്ന തിനായി നല്‍കിയ ടെന്‍ഡര്‍ വ്യവസ്ഥകള്‍ ലംഘിച്ചാണെന്നാണ് വി ഡി സതീശന്റേയും രമേശ് ചെന്നിത്തലയുടെയും പൊതുതാത്പര്യ ഹര്‍ജിയിലെ ആരോപണം

കൊച്ചി: സംസ്ഥാനത്തെ റോഡുകളില്‍ എഐ ക്യാമറ സ്ഥാപിച്ച പദ്ധതിയുമായി ബന്ധപ്പെട്ട് കരാറുകാര്‍ ക്ക് പണം നല്‍കരുതെന്ന് ഹൈക്കോടതിയുടെ ഇടക്കാല ഉത്തരവ്. പദ്ധതിയുമായി ബന്ധപ്പെട്ട് ഖജനാവി ന് നഷ്ടമോ അധിക ബാധ്യതയോ ഉണ്ടായോ എന്നു പരിശോധിക്കണമെന്നും അതുവരെ പദ്ധതിക്കു സര്‍ ക്കാര്‍ പണം നല്‍കരുതെ ന്നും ചീഫ് ജസ്റ്റ്സ് എസ് വി ഭട്ടി അധ്യക്ഷനായ ബെഞ്ച് നിര്‍ദേശിച്ചു.

പ്രതിപക്ഷ നേതാവ് വി ഡി സതീശനും രമേശ് ചെന്നിത്തലയും സമര്‍പ്പിച്ച ഹര്‍ജിയിലാണ് ഹൈക്കോട തിയുടെ ഇടക്കാല ഉത്തരവ്.കോടതിയില്‍ നിന്നും മറ്റൊരു ഉത്തരവ് ഉണ്ടാകുന്നത് വരെ ഇടക്കാല ഉത്ത രവ് ബാധകമായിരിക്കും. എഐ കാമറ സ്ഥാപിക്കുന്നതിനായി നല്‍കിയ ടെന്‍ഡര്‍ വ്യവസ്ഥകള്‍ ലംഘി ച്ചാണെന്നാണ് വി ഡി സതീശന്റേയും രമേശ് ചെന്നിത്തലയുടെയും പൊതുതാത്പര്യ ഹര്‍ജിയിലെ ആ രോപണം.

മോട്ടോര്‍ വാഹന വകുപ്പും കെല്‍ട്രോണും തമ്മിലുള്ള കരാറുകള്‍ റദ്ദാക്കണം, എസ്ആര്‍ഐടിക്ക് ടെന്‍ ഡര്‍ യോഗ്യതയില്ലെന്നു പ്രഖ്യാപിക്കണം തുടങ്ങിയവയാണ് ഹര്‍ജിയിലെ ആവശ്യങ്ങള്‍. പൊതുതാത്പ ര്യ ഹര്‍ജിയില്‍ കഴമ്പുണ്ടെന്നാണ് പ്രഥമദൃഷ്ട്യാ തോന്നുന്നതെന്ന് കോടതി നിരീക്ഷിച്ചു. കേസ് മൂന്ന് ആഴ്ച യ്ക്ക് ശേഷം വീണ്ടും പരി ഗണിക്കും.സംസ്ഥാന സര്‍ക്കാര്‍ രണ്ട് ആഴ്ചയ്ക്കകം എതിര്‍ സത്യവാങ്മൂലം ഫയല്‍ ചെയ്യണമെന്നും ചീഫ് ജസ്റ്റിസ് വ്യക്തമാക്കി.