ഇന്നലെ 43,071 പേര്‍ക്ക് കോവിഡ്; 955 മരണം, ടിപിആര്‍ 2.34 % , ചികിത്സയിലുള്ളവര്‍ 5 ലക്ഷത്തില്‍ താഴെ

കോവിഡ് മാനദണ്ഡങ്ങള്‍ കൃത്യമായി പാലിച്ചില്ലെങ്കില്‍ ഒക്ടോബറിനും നവംബറിനു മിടയില്‍ രാജ്യത്ത് കോവിഡിന്റെ മൂന്നാം തരംഗം തുടങ്ങുമെന്ന് ഐഐടിയിലെ ശാ സ്ത്രജ്ഞര്‍ മുന്നറിയിപ്പ് നല്‍കി

ന്യൂഡല്‍ഹി: രാജ്യത്ത് ഇന്നലെ കോവിഡ് സ്ഥിരീകരിച്ചത് 43,071 പേര്‍ക്ക്. 52,299 പേര്‍ ഇന്നലെ രോ ഗമുക്തി നേടി. 955 പേരാണ് കഴിഞ്ഞ ഇരുപത്തിനാലു മണിക്കൂറിനിടെ വൈറസ് ബാധ മൂലം മരി ച്ചത്. 955 മരണമാണ് റിപ്പോര്‍ട്ട് ചെയ്തിരിക്കുന്നത്. ടെസ്റ്റ് പോസിറ്റീവിറ്റി നിരക്ക് 2.34 ശത മാനമാണ്. അതേസമയം രാജ്യത്ത് വാക്‌സിനേഷന്‍ 35 കോടി ഡോസ് കടന്നു. കഴിഞ്ഞ ഒരു ദിവസത്തിനിടെ 57 ലക്ഷത്തിലധികം ഡോസ് വാക്‌സിന്‍ നല്‍കി.

ഇതുവരെ ഇന്ത്യയില്‍ കോവിഡ് ബാധിച്ചത് 3,05,45,433 പേര്‍ക്കാണ്. ഇതില്‍ 2,96,58,078 പേര്‍ രോഗ മുക്തി നേടി. നിലവില്‍ 4,85,350 പേരാണ് ആശു പത്രികളിലും വീടുകളിലുമായി ചികിത്സയില്‍ ഉള്ള ത്. ഇതുവരെ 4,02,005 പേര്‍ കോവിഡ് മൂലം മരിച്ചതായും കേന്ദ്ര ആരോഗ്യമന്ത്രാലയം അറിയി ച്ചു.

ഇതിനിടെ കോവിഡ് മാനദണ്ഡങ്ങള്‍ കൃത്യമായി പാലിച്ചില്ലെങ്കില്‍ ഒക്ടോബറിനും നവംബറിനുമിട യില്‍ രാജ്യത്ത് കോവിഡിന്റെ മൂന്നാം തരംഗം തുടങ്ങുമെന്ന് ഐഐടിയിലെ ശാസ്ത്രജ്ഞര്‍ മുന്നറി യിപ്പ് നല്‍കി. എന്നാല്‍ മൂന്നാം തരംഗം രണ്ടാം തരംഗത്തിന്റെ അത്ര തീവ്രമാകാന്‍ സാധ്യത ഇല്ലെ ന്ന് ഐഐടി കള്‍ നടത്തിയ പഠനത്തില്‍ കണ്ടെത്തി. മൂന്നാം തരംഗമുണ്ടായാല്‍ പ്രതിദിനം പരമാ വധി രണ്ട് ലക്ഷം രോഗികള്‍ ഉണ്ടാകും എന്നാണ് പഠനത്തില്‍ കണ്ടെത്തിയത്.