ഇന്ത്യയുടെ പ്രതിരോധത്തെ ലക്ഷ്യം വെച്ചാല്‍ തിരിച്ചടിക്കും ; പാകിസ്താന് താക്കീതുമായി സംയുക്ത സൈനിക മേധാവി

ജമ്മുകശ്മീരിലെ വ്യോമസേനാ താവളത്തില്‍ ആക്രമണ ശ്രമം നടത്തിയതിന് പിന്നാലെ ഇന്ത്യന്‍ ഹൈക്കമ്മീഷന് മുകളില്‍ ഡ്രോണ്‍ ആക്രമണ ശ്രമവും നടന്നതിനെ പരാമര്‍ ശിച്ചാണ് റാവതിന്റെ മുന്നറിയിപ്പ്

ന്യൂഡല്‍ഹി : ഇന്ത്യയുടെ പ്രതിരോധ സംവിധാനങ്ങളെ ലക്ഷ്യം വെച്ചാല്‍ തിരിച്ചടിക്കുമെന്ന് സംയു ക്തസൈനിക മേധാവി ബിപിന്‍ റാവത്. ജമ്മുകശ്മീരിലെ വ്യോമസേനാ താവളത്തില്‍ ആക്രമണ ശ്ര മം നടത്തിയതിന് പിന്നാലെ ഇന്ത്യന്‍ ഹൈക്കമ്മീഷന് മുകളില്‍ ഡ്രോണ്‍ ആക്രമണ ശ്രമവും നടന്ന തിനെ പരാമര്‍ശിച്ചാണ് റാവതിന്റെ മുന്നറിയിപ്പ്.

‘ഇന്ത്യയുടെ പ്രതിരോധ സംവിധാനങ്ങളെ ലക്ഷ്യം വയ്ക്കുക എന്നാല്‍ പാകിസ്താന്‍ കാണിക്കുന്നത് ഗുരുതരമായ തെറ്റായിരിക്കും. അതിന് തക്ക സമയത്ത് ശക്തമായ തിരിച്ചടി നല്‍കാന്‍ കെല്‍പ്പു ള്ളവരാണ് ഇന്ത്യന്‍ സൈന്യമെന്ന് മറക്കരുത്’ ബിപിന്‍ റാവത് പറഞ്ഞു.

ഇന്ത്യക്കെതിരെ സാങ്കേതിക ആയുധപ്രയോഗമെന്നത് പാകിസ്താന്റെ വ്യാമോഹമാണ്. ഇതുവരെ നടന്ന എല്ലാ ഡ്രോണ്‍ ആക്രമണവും ഇന്ത്യ വ്യക്തമായി അന്വേഷിക്കുകയാണ്. എല്ലാ റിപ്പോര്‍ട്ടും ഇന്ത്യന്‍ പ്രതിരോധവകുപ്പ് പഠിച്ച് ഉചിതമായ തീരുമാനം എടുക്കും. ജൂണ്‍ 27ന് ജമ്മുകശ്മീരിലെ വിമാനതാവളത്തിന് നേരെ നടന്ന ആക്രമണം പാകിസ്താന്റെ അറിവോടെയും പാകിസ്താന്‍ അതി ര്‍ത്തിക്കുള്ളില്‍ നിന്നും നിയന്ത്രിക്കപ്പെട്ടതുമാണ്. എന്നാല്‍ ഉദ്ദേശമെന്തെന്ന് കൃത്യമല്ല. എന്നാലിനി അത്തരം എന്തുനീക്കമുണ്ടായാലും ഇന്ത്യയുടെ രാഷ്ട്രീയ ഇച്ഛാശക്തിയെന്തെന്ന് പാകിസ്താന്‍ തിരി ച്ചറിയുമെന്നും റാവത് പറഞ്ഞു.