ഇന്ത്യയിൽ പ്രതിദിനം എട്ട് ലക്ഷത്തിലധികം പരിശോധന ; ആകെ പരിശോധന 3.5 കോടിയിലധികം

2020 ജനുവരിയിൽ പൂനെയിലെ ഒരൊറ്റ ലാബിലൂടെ കോവിഡ്‌ പരിശോധനക്ക്‌ തുടക്കം ആരംഭിച്ച ഇന്ത്യ ഇന്ന് ആകെ 3.5 കോടിയിലധികം പരിശോധനകൾ നടത്തിക്കഴിഞ്ഞു. കഴിഞ്ഞ ആറ് ദിവസമായി പ്രതിദിനം 8 ലക്ഷത്തിലധികം പരിശോധനകൾ നടത്തുന്നു. കഴിഞ്ഞ 24 മണിക്കൂറിനുള്ളിൽ 8,01,147 കോവിഡ്-19 പരിശോധന നടത്തി. ആകെ നടത്തിയ പരിശോധനകളുടെ എണ്ണം 3,52,92,220 ൽ എത്തിയിരിക്കുകയാണ്‌.

ദേശീയതലത്തിൽ ലാബ് ശൃംഖല വിപുലീകരിച്ചു കൊണ്ടുള്ള പരിശോധനാതന്ത്രം ഉറപ്പാക്കിയിട്ടുണ്ട്‌. സർക്കാർ മേഖലയിലെ 983 ലാബുകളും, 532 സ്വകാര്യ ലാബുകളും അടക്കം, 1515 ലാബുകൾ വഴി ജനങ്ങൾക്ക് ആവശ്യമായ പരിശോധന സൗകര്യങ്ങൾ ഒരുക്കിയിട്ടുണ്ട്‌.

കോവിഡ് 19-മായി ബന്ധപ്പെട്ട സാങ്കേതിക വിഷയങ്ങൾ, മാര്‍ഗനിര്‍ദേശങ്ങള്‍, ഉപദേശങ്ങള്‍ എന്നിവയുടെ ആധികാരികവും പുതിയതുമായ വിവരങ്ങള്‍ക്ക് https://www.mohfw.gov.in/ അല്ലെങ്കില്‍ @MoHFW_INDIA നിരന്തരം സന്ദര്‍ശിക്കുക.