ആര്‍ ബാലകൃഷ്ണ പിളള അന്തരിച്ചു ; വിടവാങ്ങിയത് കേരള കോണ്‍ഗ്രസ് സ്ഥാപക നേതാവ്

കൊട്ടാരക്കരയിലെ സ്വകാര്യ ആശുപത്രിയിലായിരുന്നു അന്ത്യം. വാര്‍ദ്ധക്യസഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു

കൊല്ലം: കേരള കോണ്‍ഗ്രസ് (ബി) ചെയര്‍മാനും മുന്നാക്ക വികസന കോര്‍പ്പറേഷന്‍ ചെയ ര്‍മാ നുമായ ആര്‍ ബാലകൃഷ്ണ പിളള (86) അന്തരി ച്ചു. കൊട്ടാരക്കരയിലെ സ്വകാര്യ ആശുപ ത്രിയി ലായിരുന്നു അന്ത്യം. വാര്‍ദ്ധക്യസഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു.

കേരള കോണ്‍ഗ്രസ് (ബി) സ്ഥാപക നേതാവാണ്. മന്ത്രി, എം പി, എം എല്‍ എ, പഞ്ചായത്ത് പ്ര സിഡന്റ് തുടങ്ങി നിരവധി മേഖലകളില്‍ പ്രവര്‍ത്തിച്ച അദ്ദേഹം ദീര്‍ഘകാലം കൊട്ടാരക്കര മണ്ഡലത്തെ പ്രതിനിധീകരിച്ചിട്ടുണ്ട്.

കീഴൂട്ട് രാമന്‍ പിളളയുടെയും കാര്‍ത്ത്യായനിയമ്മയുടെയും മകനായി കൊട്ടാരക്കരയില്‍ 1935ലാ യിരുന്നു ജനനം. വിദ്യാര്‍ത്ഥിയായിരിക്കെ രാഷ്ട്രീ യത്തില്‍ എത്തിയ ബാലകൃഷ്ണ പിളള കെ പി സി സിനിര്‍വാഹക സമിതിയിലും എഐസിസിയിലും അംഗമായിരുന്നു. ഒരേ സമയം മന്ത്രിയും പഞ്ചായത്ത് പ്രസിഡന്റുമായിരുന്ന വ്യക്തി എന്ന അപൂര്‍വതയും പിളളയുടെ പേരിലാണ്.

1963 മുതല്‍ തുടര്‍ച്ചയായി 27 വര്‍ഷം ഇടമുളയ്ക്കല്‍ ഗ്രാമപഞ്ചായത്ത് പ്രസിഡന്റായിരുന്ന അദ്ദേഹം 11 വര്‍ഷം കൊട്ടാരക്കര ഗ്രാമപഞ്ചായത്ത് പ്രസിഡന്റ് സ്ഥാനവും വഹിച്ചു. സി അച്യുതമേനോന്‍ മന്ത്രിസഭയില്‍ ഗതാഗത, എക്‌സൈസ്, ജയില്‍ വകുപ്പ് മന്ത്രിയായി ആദ്യമായി മന്ത്രി സ്ഥാനത്തെ ത്തിയ ബാലകൃഷ്ണ പിളള 1980-82, 82-85, 86-87 കാലഘട്ടങ്ങളില്‍ വൈദ്യുതിവകുപ്പ് മന്ത്രിയായിട്ടുണ്ട്. 1991-95, 2001-2004 കാലഘട്ടത്തില്‍ ഗതാഗതവകുപ്പ് മന്ത്രിയായും സേവനമനുഷ്ഠിച്ചു.

1971ല്‍ പാര്‍ലമെന്റിലേക്ക് തിരഞ്ഞെടുക്കപ്പെട്ട ബാലകൃഷ്ണ പിളള 1960, 1965,1977,1980,1982,1987,1991, 1996, 2001 എന്നീ വര്‍ഷങ്ങളില്‍ കേരള നിയമസഭയിലേക്കും തിരഞ്ഞെടുക്കപ്പെട്ടു. വിവാദമായ പഞ്ചാബ് മോഡല്‍ പ്രസംഗത്തിന്റെ പേരില്‍ 85-ല്‍ മന്ത്രിസ്ഥാനം നഷ്ടപ്പെട്ടു. കൂറുമാറ്റ നിരോധന നിയമപ്രകാരം ശിക്ഷിക്കപ്പെട്ട ആദ്യ നിയമസഭാംഗവും, അഴിമതി കേസില്‍ ശിക്ഷിക്കപ്പെടുന്ന കേരളത്തിലെ ആദ്യമന്ത്രിയും ബാലകൃഷ്ണപിള്ളയാണ്.

പരേതയായ ആര്‍ വത്സലയാണ് ഭാര്യ. മുന്‍ മന്ത്രിയും ചലച്ചിത്ര താരവുമായ ഗണേഷ് കുമാര്‍ മകനാണ്. ഉഷാ മോഹന്‍ ദാസ്, ബിന്ദു ബാലകൃഷ്ണന്‍ എന്നിവര്‍ മക്കളാണ്. കെ മോഹന്‍ദാസ്, ടി ബാലകൃഷ്ണന്‍, ബിന്ദു മേനോന്‍ എന്നിവര്‍ മരുമക്കളാണ്. സംസ്‌കാരം വൈകിട്ട് അഞ്ചിന് വാളകത്തെ തറവാട്ട് വീട്ടില്‍.