അറബിക്കടലില്‍ എട്ടാമത്തെ ന്യൂനമര്‍ദ്ദം;48 മണിക്കൂറിനകം ശക്തിപ്രാപിക്കും;കേരളത്തില്‍ അതിശക്ത മഴയ്ക്ക് സാധ്യത

47 ദിവസത്തിനുള്ളില്‍ രൂപപ്പെടുന്ന എട്ടാമത്തെ ന്യുനമര്‍ദ്ദമാണിത്.എന്നാല്‍ ഇത് കേരളത്തില്‍ നിന്ന് അകന്നു പോകുന്നതിനാല്‍ കൂടുതല്‍ ഭീഷണിയില്ലെന്നാണ് കാലാവ സ്ഥാ നിരീക്ഷകര്‍

കൊച്ചി: മധ്യ കിഴക്കന്‍ അറബികടലില്‍ കര്‍ണാടക തീരത്ത് പുതിയ ന്യുനമര്‍ദ്ദം രൂപപ്പെട്ടു. 48 മണിക്കൂറി നുള്ളില്‍ ന്യൂനമര്‍ദ്ദം ശക്തി പ്രാപിക്കാന്‍ സാധ്യത. 47 ദിവസത്തിനുള്ളില്‍ രൂപപ്പെടുന്ന എട്ടാമത്തെ ന്യുന മര്‍ദ്ദമാണിത്.എന്നാല്‍ ഇത് കേരളത്തില്‍ നിന്ന് അകന്നു പോകുന്നതിനാല്‍ കൂടുതല്‍ ഭീഷണിയില്ലെന്നാ ണ് കാലാവസ്ഥാ നിരീക്ഷകര്‍ പറയുന്നത്.

ചക്രവാതചുഴിയുടെ സ്വാധീനഫലമായി കേരളത്തില്‍ ഇന്നും നാളെയും വ്യാപകമായ മഴക്കും വടക്കന്‍ കേരളത്തിലും മലയോര പ്രദേശങ്ങളിലും ഒറ്റപ്പെട്ട അതിശക്ത/ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. കര്‍ണാടകക്കും വടക്കന്‍ കേരളത്തിനും സമീപം മധ്യ കിഴക്കന്‍ തെക്കു കിഴക്കന്‍ അറബിക്കടലി ല്‍ നിലനില്‍ക്കുന്ന ചക്രവാതചുഴി പടിഞ്ഞാറ് വടക്കു പടിഞ്ഞാറ് ദിശയില്‍ സ ഞ്ചരിച്ചു അടുത്ത 48 മണിക്കൂറില്‍ ശക്തി പ്രാപിക്കാന്‍ സാധ്യതയുണ്ട്.

കേരള ലക്ഷദ്വീപ് തീരത്ത് നവംബര്‍ 16 നും, വടക്കന്‍ കേരള തീരത്ത് നവംബര്‍ 16 വരെയും, കര്‍ണാടക തീരത്ത് നവംബര്‍ 17 വരെയും മത്സ്യബന്ധനത്തിന് പോകാന്‍ പാടുള്ളതല്ല എന്നും മണിക്കൂറില്‍ 40 മുത ല്‍ 50 കി. മീ വരെ വേഗതയിലും ചിലവസരങ്ങളില്‍ 60 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യ തയുണ്ട് എന്നും കേന്ദ്ര കാലാവസ്ഥ വകുപ്പ് അറിയിച്ചു.

അതേസമയം റെക്കോര്‍ഡ് തുലാമഴയാണ് ഈ വര്‍ഷം കേരളത്തില്‍ ലഭിച്ചത്. 833.8 മില്ലിമീറ്റര്‍ മഴയാണ് തുലാവര്‍ഷത്തിന്റെ ഭാഗമായി ലഭിച്ചത്. 2010 ല്‍ ലഭിച്ച 822.9 മില്ലി മീറ്റര്‍ ആയിരുന്നു ഇതുവരെയുള്ള റെ ക്കോര്‍ഡ്. എട്ട് ജില്ലകളില്‍ ഇന്ന് യെല്ലോ അലര്‍ട്ട് പ്രഖ്യാപിച്ചിട്ടുണ്ട്. നാളെ മുതല്‍ മഴ കുറയുമെന്നാണ് കാലാവസ്ഥാ പ്രവചനം.