അട്ടപ്പാടിയില്‍ ആദിവാസി വൃദ്ധനെ കാട്ടാന ചവിട്ടിക്കൊന്നു

തേക്കുപ്പന ഊരിലെ ബപ്പയ്യന്‍ എന്ന രംഗന്‍ (65) ബയ്യപ്പന്‍ ആണ് മരിച്ചത്.ഞായറാഴ്ച വൈകീട്ട് കശുവണ്ടി പെറുക്കാന്‍ തോട്ടത്തിലേക്ക് പോയപ്പോഴായിരുന്നു ആനയുടെ ആക്രണം

പാലക്കാട് : അട്ടപ്പാടിയില്‍ ആദിവാസി വൃദ്ധനെ കാട്ടാന ചവിട്ടിക്കൊന്നു. തേക്കുപ്പന ഊരിലെ ബപ്പയ്യന്‍ എന്ന രംഗന്‍ (65) ബയ്യപ്പന്‍ ആണ് മരിച്ചത്.ഞായറാഴ്ച വൈകിട്ട് കശുവണ്ടി പെറുക്കാന്‍ തോട്ടത്തിലേക്ക് പോയപ്പോഴായിരുന്നു ആനയുടെ ആക്രണം. ഇന്നലെ വൈകീട്ട് വീട്ടിലേക്ക് മടങ്ങിയെത്താതിരുന്നതിനെ തുടര്‍ന്ന് ഇന്ന് രാവിലെ നാട്ടുകാര്‍ തിരച്ചില്‍ നടത്തിയപ്പോഴാണ് മൃതദേഹം കണ്ടെത്തിയത്. പരിശോധന യില്‍ ആന ചവിട്ടിക്കൊന്നതാണെന്ന് സ്ഥിരീകരിക്കുകയായിരുന്നു.

ഈ വര്‍ഷം ഇതുവരെ മൂന്ന് പേരാണ് അട്ടപ്പാടിയില്‍ കാട്ടാന ആക്രമണത്തില്‍ മരിച്ചത്.കാടിനോട് ചേര്‍ ന്നുള്ള പ്രദേശങ്ങളില്‍ കാട്ടാന ശല്യം രൂക്ഷമാണ്.