മുംബൈ : ടെലിവിഷൻ സീരിയലുകളിലൂടെയാണ് സുശന്ത് സിങ്‌ അഭിനയരംഗത്ത് അരങ്ങേറ്റം കുറിച്ചത്. ചേതൻ ഭഗതിന്റെ ത്രീ മിസ്റ്റേക്ക്‌സ് ഇൻ മെെ ലെെവ് എന്ന നോവലിന്റെ ചലച്ചിത്രാവിഷ്‌കാരമായ കായ് പോ ചേ എന്ന ചിത്രത്തിലൂടെ ബോളിവുഡിൽ അരങ്ങേറ്റം കുറിച്ചു. ഈ ചിത്രത്തിലെ അഭിനയത്തിന് മികച്ച നവാഗത നടനുള്ള മൂന്നു അവാർഡുകളും ലഭിച്ചിരുന്നു. മുൻ ഇന്ത്യൻ ക്രിക്കറ്റ് ക്യാപ്‌റ്റൻ എം എസ് ധോണിയുടെ ജീവിതകഥ പറഞ്ഞ ‘എം എസ് ധോണി അൺടോൾഡ് സ്റ്റോറി’ എന്ന സിനിമയിലൂടെ ക്രിക്കറ്റ് ആരാധകരുടെയും, സിനിമാ ആരാധകരുടെയും പ്രിയപ്പെട്ട താരമായിരുന്നു സുശാന്ത്.
1986 ജനുവരിയിൽ പട്നയിൽ ജനിച്ച സുശാന്ത്, ടെലിവിഷൻ താരം, ഡാൻസർ, അവതാരകൻ, സ്റ്റേജ് ഷോ താരം എന്നീ നിലയിലും ബോളിവുഡിൽ തിളങ്ങുന്ന താരമായിരുന്നു. കേദാർനാഥ്, വെൽകം ടു ന്യൂയോർക് എന്നിവയാണ് സുശാന്ത് അഭിനയിച്ച മറ്റു ചിത്രങ്ങൾ.
സ്റ്റാൻഫോർഡ് യൂണിവേഴ്സിറ്റിയിൽ നിന്നുള്ള സ്കോളർഷിപ്പും എഞ്ചിനീയറിങ് കോളേജിലെ പഠനവും ഉപേക്ഷിച്ച് മുഴുവൻ സമയവും നൃത്തപഠനവുമായി നടന്ന സുശാന്ത്, നിരവധി നാടകങ്ങളിലും വേഷമിട്ടു. അവതാരകനായും, നർത്തകനായും നിരവധി വേദികളിൽ തിളങ്ങിയി താരമായിരുന്നു സുശാന്ത്
നാടകകം സീരിയൽ, നർത്തകനായി, ടീവി അവാതരകൻ അവിടെ നിന്ന്സി നിമയിലേക്കുമുള്ള തന്റെ യാത്രയിൽ ഇതുവരെ നിരാശ ഉണ്ടായിട്ടില്ലെന്നും സുശാന്ത് അഭിമുഖങ്ങളിൽ പറഞ്ഞിരുന്നത്. അത്രയും ആത്മാർഥമായാണ് സുശാന്ത് സിനിമയെ പ്രണയിച്ചിരുന്നത്. അതുകൊണ്ടു തന്നെ ആത്മഹത്യയുടെ വഴിയിലേക്ക് എന്തിനു നടന്നു എന്ന് ഉത്തരം കിട്ടാത്ത ചോദ്യമായി അവശേഷിക്കുന്നു. ഞാറാഴ്ചയാണ് സുശാന്തിനെ തൂങ്ങി മരിച്ച നിലയിൽ കണ്ടെത്തിയത്. സുശാന്തിന്റെ മാനേജർ കഴിഞ്ഞ ആഴ്ച ആത്മഹത്യ ചെയ്തിരുന്നു.
2
018 ലെ പ്രളയ സമയത്തു കേരളത്തിന് ഒരു കോടിരൂപ നൽകി മലയാളികളുടെ പ്രിയങ്കരനായി മാറിയിരുന്നു സുശാന്ത്. തുക മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് ഓൺലൈൻ വഴി മാറ്റിയ ശേഷം പണം നൽകിയ അക്കൗണ്ട് വിവരങ്ങൾ അടക്കം സുശാന്തിന് സ്ക്രീൻ ഷോട്ട് വഴി തന്റെ ആരാധകനു അയച്ചു കൊടുക്കയും ചെയ്തു.
ഇന്ത്യൻ സിനിമാ ലോകത്തിലെ മിക്ക താരങ്ങളും, സംവിധായകരും സുശാന്തിന്റെ ആകസ്മിക മരണത്തിൽ ഞെട്ടലും വേദനയും രേഖപ്പെടുത്തി. സോഷ്യൽ മീഡിയ സുശാന്തിന്റെ വേർപാടിന്റെ വേദനയിൽ, ഫോട്ടോയും അനുസ്‌മരണങ്ങളും കൊണ്ട് നിറഞ്ഞു കഴിഞ്ഞു
പ്രിയ സുശാന്ത്…ചമയങ്ങളില്ലാത്ത ലോകത്തേയ്ക്ക് നിങ്ങൾ നടന്നു പോയിരിക്കുന്നു. ചെയ്തു വെച്ച വേഷങ്ങൾ ഓർമ്മകളായി മാറിയിരിക്കുന്നു. വേദനയോടെ സലാം…..
