English हिंदी

Blog

uber

കൊച്ചി: ആഭ്യന്തര വിമാന സർവീസ് വീണ്ടും തുടങ്ങിയതോടെ കൊച്ചിയിൽ ഊബറിന്റെ എയർപോർട്ട് സർവീസും പുനരാരംഭിച്ചു. ഊബർ ഗോ, ഊബർ പ്രീമിയർ, ഊബർ എക്‌സ്.എൽ തുടങ്ങിയ സേവനങ്ങൾ റൈഡർമാർക്ക് ലഭ്യമാകും. സർക്കാരിന്റെ മാർഗ നിർദേശങ്ങൾ പാലിച്ചു സുരക്ഷിതവും വിശ്വസനീയവും സൗകര്യപ്രദവുമായ യാത്ര ലഭിക്കുമെന്ന് ഊബർ അധികൃതർ അറിയിച്ചു.
ഇന്ത്യയിലുടനീളം എയർപോർട്ട് സർവീസ് ആരംഭിച്ചതായി ഊബർ ഈസ്റ്റ്, ദക്ഷിണേഷ്യ, ദക്ഷിണേന്ത്യ റൈഡ് ഷെയറിംഗ് മേധാവി രാതുൽ ഘോഷ് പറഞ്ഞു. ശുചിത്വവും സുരക്ഷയും ഒരുക്കാൻ എയർപോർട്ട് അതോറിറ്റികളുമായി ചേർന്ന് പ്രവർത്തിക്കും. െ്രെഡവർമാർക്കും യാത്രക്കാർക്കും നിർബന്ധമുള്ള ഗോ ഓൺലൈൻ ചെക്ക്‌ലിസ്റ്റ്, ട്രിപ്പിനു മുമ്പേ ഡ്രൈവർമാർക്ക് മാസ്‌ക് പരിശോധന, ബോധവൽക്കരണം, സുരക്ഷിതമല്ലെന്ന് തോന്നിയാൽ ട്രിപ്പ് റദ്ദാക്കാൻ സൗകര്യം എന്നിവയും ഒരുക്കിയിട്ടുണ്ട്. മൂന്നു ലക്ഷം മാസ്‌ക്കുകളും രണ്ടു ലക്ഷം കുപ്പി സാനിറ്റൈസറുകളും ഡ്രൈവർമാർക്ക് ഊബർ സൗജന്യമായി വിതരണം ചെയ്തു.

Also read:   യുപിയില്‍ ആറുമാസത്തേക്ക് സമരങ്ങൾ വിലക്കി യോഗി സർക്കാർ