കൊച്ചി: ഐ.ടി.സിയുടെ ബി നാച്വറലും ആംവേ ഇന്ത്യയും സഹകരിച്ച് രാജ്യത്ത് ഇതാദ്യമായി രോഗപ്രതിരോധശേഷി തെളിയിച്ച ചേരുവയോടെ ബി നാച്വറൽ പ്ലസ് ജ്യൂസുകൾ വിപണിയിലിറക്കി. ബി നാച്വറൽ, രോഗപ്രതിരോധശേഷിയുടെ ഇരട്ടിഗുണം കൂടി നൽകാൻ ലക്ഷ്യമിട്ടാണ് മൂന്നു മാസത്തെ ഗവേഷണത്തിലൂടെ വികസിപ്പിച്ചെടുത്ത ചേരുവയുമായി ഓറഞ്ച്, മിക്‌സഡ് ഫ്രൂട്ട് വകഭേദങ്ങൾ വിപണിയിലെത്തിച്ചിരിക്കുന്നത്. ഒരു ലിറ്റർ പാക്കറ്റിന്റെ വില 130 രൂപ.
ഒരു ദശാബ്ദത്തിലേറെയായി പ്രവർത്തിക്കുന്ന ലൈഫ് സയൻസസ് ആൻഡ് ടെക്‌നോളജി സെന്റർ (എൽ.എസ.്ടി.എസ് വികസിപ്പിച്ചെടുത്തതും വൈദ്യശാസ്ത്രപരമായി തെളിയിച്ചതുമായ ഘടകമാണ് പ്രതിരോധശേഷിയെ പിന്തുണയ്ക്കുന്ന പുതിയ ചേരുവ. പകർച്ചവ്യാധിയുടെ വെല്ലുവിളി നേരിടുന്ന കാലത്ത് രോഗപ്രതിരോധശേഷി നിർണായകമായിരിക്കുന്നതിന്റെ പശ്ചാത്തലത്തിലാണ് ഇന്ത്യൻ കൗൺസിൽ ഫോർ മെഡിക്കൽ ആൻഡ് റിസർച്ചിന്റെ മാർഗനിർദ്ദേശങ്ങൾക്കു കീഴിൽ നടത്തിയ ഡബിൾബ്ലൈൻഡ് പ്ലാസിബോ കണ്ട്രോൾഡ് ക്ലിനിക്കൽ സ്റ്റഡിയിൽ ചേരുവ വികസിപ്പിച്ചെടുത്തത്. ഇതിനായുള്ള പഠനം ക്ലിനിക്കൽ ട്രയൽസ് രജിസ്ട്രി ഇന്ത്യയിലും (സി.ടി.ആർ.ഐ) രജിസ്റ്റർ ചെയ്തിരുന്നു.
ഉപഭോക്താക്കളുടെ അഭിപ്രായം വേഗത്തിൽ സ്വരൂപിക്കുന്നതിനും വിശ്വാസ്യതുയുള്ള പങ്കാളി എന്ന നിലയിലുമാണ് ആംവേ ഇന്ത്യയുമായി വിതരണത്തിൽ ഐ.ടി.സി കൈകോർക്കുന്നത്. ആരോഗ്യ, രോഗപ്രതിരോധരംഗത്ത് ആംവേക്കുള്ള മികവ് കൂടുതൽ ഉപഭോക്താക്കളിലേയ്‌ക്കെത്താൻ സഹായിക്കും. ഐ.ടി.സിക്ക് രാജ്യവ്യാപകമായുള്ള വിതരണശൃംഖലയലൂടെയും പുതിയ ഉൽപ്പന്നങ്ങൾ ലഭ്യമാകും. വൻകിട റീടെയിൽ ശൃംഖലകളും ഹൈപ്പർ മാർക്കറ്റുകളും ഉൾപ്പെടുന്ന മോഡേൺ ട്രേഡ്, ജനറൽ ട്രേഡ് സ്റ്റോറുകൾ, ഇകൊമേഴ്‌സ് വെബ്‌സൈറ്റുകൾ എന്നിവ ഉൾപ്പെടെയാണിതെന്ന് ഐ.ടി.സി ഫുഡ്‌സ് ഡിവിഷൻ ഡിവിഷണൽ ചീഫ് എക്‌സിക്യൂട്ടീവ് ഹേമന്ത് മാലിക് പറഞ്ഞു.
ആരോഗ്യത്തിന് മുൻഗണന നൽകുന്നവരുടെ മുൻനിര ബ്രാൻഡാണ് ആംവേയെന്നും വിൽക്കപ്പെടുന്ന വിറ്റാമിനുകളിലും ഡയറ്ററി സപ്ലിമെന്റുകളിലും ലോകത്ത് ഒന്നാം സ്ഥാനത്താണ് ആംവേ ന്യൂട്രിലൈറ്റെന്നും ആംവേ ഇന്ത്യ എന്റർെ്രെപസസ് സി.ഇ.ഒ അൻഷു ബുധരാജ പറഞ്ഞു. രോഗപ്രതിരോധശേഷിക്ക് പേരുകേട്ട ന്യൂട്രിലൈറ്റ് ഓൾ പ്ലാന്റ് പ്രോട്ടീൻ ബി നാച്ചുറൽ + റേഞ്ചുമായി യോജിക്കുന്നത് ഉപഭോക്താക്കൾക്ക് ഏറെ ഗുണം ചെയ്യുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
